Իրավաբանական կլինիկաներ

Կլինիկայի ստեղծման նախապայման են հանդիսացել Գյումրու երկրաշարժից հետո առաջացած բնակարանային, հողային, ժառանգության և սեփականության հետ կապված հարցերը, որոնք ծառացել էին Գյումրու բնակչության առջև: Այժմ այն երկու հիմնական նպատակի է ծառայում. անվճար իրավաբանական օգնություն ցուցաբերել անվճարունակ խավին և զարգացնել ուսանողների՝ տեսական գիտելիքները գործնականում կիրառելու հմտությունները:

Կլինիկան ստեղծվել է Գյումրու «Պրոգրես» համալսարանի հիմքի վրա: Ուսանողների ընդունելությունը կլինիկա կատարվում է հարցազրույցների և գրավոր ակնարկների ներկայացման միջոցով: Ակնարկներում ուսանողները ներկայացնում են, թե ինչու են ցանկանում ընդունվել կլինիկա և թե ինչ պատկերացումներ ունեն դրա վերաբերյալ: