Քայլ 2. Դիմել վարչական դատարան աշխատանքային ստաժի հաստատման համար

Return to: Խնդիր 2. Աշխատա...

  Վարչական դատարան հնարավոր է դիմել այն դեպքում, երբ շահագրգիռ անձը դիմել է ՀՀ աշխատանքի և սոցիալական հարցերի նախարարության սոցիալական ապահովության պետական ծառայության սոցիալական ապահովության բաժին՝ տարիքային աշխատանքային կենսաթոշակելու համար: ՀՀ աշխատանքի և սոցիալական հարցերի նախարարության սոցիալական ապահովության պետական ծառայության աշխատակազմի սոցիալական ապահովության տարածքային բաժնի կողմից դիմումը մերժելու դեպքում է հնարավոր է հայցադիմում ներկայացնել  ՀՀ վարչական դատարան հետևյալ պահանջով` պարտավորեցնել Ադրբեջանի ԽՍՀ-ում աշխատած տարիների ժամանակահատվածը հաշվարկել որպես կենսաթոշակային ստաժ և նշանակել տարիքային աշխատանքային կենսաթոշակ սկսած ՀՀ  աշխատանքի և սոցիալական հարցերի նախարարություն դիմելու օրվանից: Ինչպես նաև անվավեր ճանաչել վերջինիս կողմից տրված մերժումը: Յուրաքանչյուր գործի փաստական առանձնահատկություններով պայմանավորված ներկայացվում են այն փաստաթղթերը, որոնք առկա են շահագրգիռ անձի մոտ (աշխատանքային գրքույկ, քաղվածք, տեղեկանք կամ աշխատանքային ստաժը հաստատող այլ փաստաթուղթ):


 Թիվ ՎԴ/0374/05/17 վարչական գործով Կենտրոնի կողմից հայցադիմում է ներկայացվել ՀՀ վարչական դատարան ընդդեմ ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Շենգավիթի տարածքային բաժնի՝ վերջինիս կողմից 11.01.2017թ-ին տրված մերժումն անվավեր ճանաչելու,  20.07.1969-12.06.1992 թվականների աշխատած ժամանակահատվածը որպես կենսաթոշակային ստաժ հաշվարկելուն պարտավորեցնելու և տարիքային աշխատանքային կենսաթոշակ սկսած 19.12.2016 թվականից նշանակելու պահանջների մասին: 

05.10.2017թ-ին ՀՀ վարչական դատարանի կողմից /դատավոր`Կարեն Զարիկյան/ հայցը բավարարվել է և վճռվել է.

 1․ Նորա Կարապետյանի հայցն ընդդեմ ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Շենգավիթի տարածքային բաժնի՝ 19.12.2016 թվականից սկսած տարիքային աշխատանքային կենսաթոշակ նշանակելուն պարտավորեցնելու պահանջի մասին, բավարարել.

2. պարտավորեցնել ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Շենգավիթի տարածքային բաժնին Նորա Կարապետյանին 19.12.2016 թվականից սկսած նշանակել տարիքային աշխատանքային կենսաթոշակ․

3. անվավեր ճանաչել ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Շենգավիթի տարածքային բաժնի պետի 11.01.2017 թվականի թիվ 6 մերժումը․

4. ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Շենգավիթի տարածքային բաժնից հօգուտ Նորա Կարապետյանի բռնագանձել 4.000 ՀՀ դրամ՝ որպես նախապես վճարված պետական տուրքի փոխհատուցում: 

06.11.2017թ-ին ՀՀ վարչական վերաքննիչ դատարան վերաքննիչ բողոք է ներկայացվել ՀՀ ֆինանսների նախարարության կողմից:

ՀՀ վարչական վերաքննիչ դատարանի կողմից վերաքննիչ բողոքը մերժվել է, առաջին ատյանի դատարանի վճիռը թողնվել է անփոփոխ:

Վերջին փոփոխություն: Շաբաթ, 7 Ապրիլի 2018, 5:30