Քայլ 3.1. եթե դատարանը մերժում է դիմումը վարույթ ընդունել

Return to: Խնդիր 1. Ծննդյա...

Հնարավոր են դեպքեր, երբ դատարանը դիմումի վարույթ ընդունելը մերժի հետևյալ   պատճառաբանությամբ՝


 «...դիմողը չի մատնանշել այն օրենքը, որով նախատեսված է իր կողմից պահանջվող փաստի հաստատման հնարավորությունը: Մինչդեռ, դատարանը քննում է իրավաբանական նշանակություն ունեցող այլ փաuտեր, որոնք նախատեսված են օրենքով (ՀՀ քաղաքացիական դատավարության օրենսգրքի 189-րդ հոդված, 3-րդ մաս):» (թիվ ԵԱԴԴ/2027/02/17 քաղաքացիական գործ- www.datalex.am):

Այս դեպքում մերժումը ստանալուց հետո 3-օրյա ժամկետում այն կարող է բողոքարկվել ՀՀ քաղաքացիական վերաքննիչ դատարան: Սույն գործով մեր կողմից ներկայացվել է վերաքննիչ բողոք, որը բավարարվել է և դիմումի ընդունումի մասին որոշումը վերացվել է հետևյալ պատճառաբանություններով՝


«...Դատարան դիմելու անձի իրավունքը սահմանափակող պետական կարգավորման բացակայության պայմաններում Դատարանն անհիմն կերպով սահմանափակել է դիմողի կողմից այդ իրավունքի իրականացումը, քանի որ դատարանի նման լիազորությունը սահմանված է ՀՀ քաղաքացիական դատավարության օրենսգրքի 189-րդ հոդվածով...» (թիվ ԵԱԴԴ/2027/02/17 քաղաքացիական գործ):


ՀՀ քաղաքացիական դատավարության օրենսգրքի 189-րդ հոդվածի 1-ին մասի համաձայն, ընդհանուր իրավասության դատարանը, գործերի տարածքային ընդդատությանը համապատասխան, հաստատում է այն փաստերը, որոնցից կախված է քաղաքացիների կամ իրավաբանական անձանց անձնական կամ գույքային իրավունքների ծագումը, փոփոխումը կամ դադարումը: Նույն հոդվածի 2-րդ մասի 3-րդ կետի համաձայն, դատարանը փաստերի հաստատման վերաբերյալ քննում է այն գործերը, որոնք վերաբերում են ծննդյան գրանցմանը:


Վերջին փոփոխություն: Երեքշաբթի, 10 Ապրիլի 2018, 10:38