«Իրավաբանական աջակցություն Հայաստանում տեղահանված և հակամարտությունից տուժած անձանց համար» ծրագրի (2016-2018) շրջանակներում ի հայտ եկած իրավաբանական խնդիրներ և լուծման սխեմաներ
Քայլ 1. Դիմումի ներկայացում բնակության վայրի ՔԿԱԳ-ի տարածքային մարմին
Ղարաբաղյան պատերազմի ընթացքում Ադրբեջանից և Արծվաշեն գյուղից տեղահանված որոշ անձանց մոտ բացակայում են ծննդյան փաստ կամ անձը հաստատող փաստաթղթերը: Այդ նպատակով ծննդյան ակտի գրառումը վերականգնելու համար անհրաժեշտ է դիմել բնակության վայրի ՔԿԱԳ-ի տարածքային մարմին: «Քաղաքացիական կացության ակտերի մասին» Հայաստանի Հանրապետության օրենքի 74-րդ հոդվածի 1-ին մասի համաձայն ՔԿԱԳ ակտերի վերականգնումն իրականացվում է ՔԿԱԳ մարմնի կողմից: Քաղաքացիական կացության ակտերի գրառումների վերականգնումն իրականացնում է քաղաքացիական կացության ակտի կորած գրառումը կազմած կամ քաղաքացու մշտական բնակության վայրի ՔԿԱԳ մարմինը՝ դատարանի օրինական ուժի մեջ մտած վճռի հիման վրա, եթե սահմանված կարգով անհնար է իրականացնել քաղաքացիական կացության ակտերի գրառումների վերականգնումը։
Last modified: Saturday, 7 April 2018, 5:23 PM