Քայլ 1. Խնդրի լուծման արտադատական կարգ

Return to: Խնդիր 2. Աշխատա...

ՀՀ կառավարության 05.05.2011 թվականի թիվ 665-Ն որոշման թիվ 2 հավելվածով սահմանված կանոնների 34-րդ կետի համաձայն․փախստականների՝ մինչև 1992 թվականը, իսկ Հայաստանի Հանրապետության Արծվաշեն գյուղից բռնի տեղահանված անձանց մինչև 1992 թվականի օգոստոսն աշխատած ժամանակահատվածն աշխատանքային ստաժում հաշվառվում է աշխատանքային գրքույկում Հայաստանի Հանրապետության կառավարության 2009 թվականի հուլիսի 23-ի N 907-Ն որոշմամբ ստեղծված` 1988 1992 թվականներին Ադրբեջանի Հանրապետությունից բռնագաղթված անձանց և 1992 թվականին Հայաստանի Հանրապետության Արծվաշեն գյուղից բռնի տեղահանված անձանց աշխատանքային ստաժը սահմանող հանձնաժողովի կատարած գրառումներով կամ որոշումներով:



Հանձնաժողովի նպատակը


1988-1992 թվականներին Ադրբեջանի Հանրապետությունից բռնագաղթված և փախստականների հարցերով զբաղվող պետական լիազոր մարմնում հաշվառված ինչպես նաև 1992 թվականին Հայաստանի Հանրապետության Արծվաշեն գյուղից բռնի տեղահանված այն անձանց աշխատանքային ստաժը (այսուհետ` ստաժ) սահմանելն է, որոնց աշխատանքային գործունեությանը վերաբերող փաստաթղթերը ձեռք բերելն անհնարին է այդ թվականներին տեղի ունեցած իրադարձությունների հետևանքով կամ այդ փաստաթղթերը ոչնչացվել են «Պետական կենսաթոշակների մասին» Հայաստանի Հանրապետության օրենքի 32-րդ հոդվածի 5-րդ մասում թվարկված դեպքերից որևէ մեկի արդյունքում` Հայաստանի Հանրապետություն տվյալ անձանց մուտք գործելուց և բնակություն հաստատելուց հետո:


Հանձնաժողովի գործառույթները`


բռնագաղթված անձանց` Ադրբեջանի Հանրապետությունում մինչև 1992 թվականը, իսկ բռնի տեղահանված անձանց՝ Հայաստանի Հանրապետության Արծվաշեն գյուղի կազմակերպություններում մինչև 1992 թվականի օգոստոս ամիսը ձեռք բերած ստաժը հաստատելուն վերաբերող գրավոր դիմում-հայտարարությունները քննարկելը և հաստատելը, եթե նրանք ստաժը հիմնավորող փաստաթղթեր չունեն.


Հանձնաժողովի գործունեության ժամկետը՝

ՀՀ կառավարության 2009 թվականի հուլիսի 23-ի N 907-Ն որոշմամբ ստեղծված 1988-1992 թվականներին Ադրբեջանի Հանրապետությունից բռնագաղթված անձանց և 1992 թվականին Հայաստանի Հանրապետության Արծվաշեն գյուղից բռնի տեղահանված անձանց աշխատանքային ստաժը սահմանող հանձնաժողովը, համաձայն նույն որոշման 7-րդ կետի, գործել է մինչև 2016 թվականի դեկտեմբերի 31-ը։


ՀՀ կառավարության 2009 թվականի հուլիսի 23-ի N 907-Ն որոշմամբ հաստատված աշխատակարգի 3-րդ բաժնի կանոնակարգումներից հետևում է, որ 
 ստաժը հաստատելու համար համապատասխան անձը պետք է մինչև 2016 թվականի դեկտեմբերի 31-ը դիմած լիներ հանձնաժողովին, որպեսզի վերջինս իրականացներ ստաժի հաստատման իր լիազորությունը.


Այսպիսով, բացակայում է արտադատական ճանապարհով աշխատանքային ստաժի հաստատման հնարավորությունը և միակ լուծումը դատականն է:


Վերջին փոփոխություն: Շաբաթ, 7 Ապրիլի 2018, 5:29