Վանաձորի իրավաբանական կլինիկա

2013թ. սեպտեմբերից Ամերիկյան իրավաբանների ընկերակցության (ABA ROLI) աջակցությամբ իրականացվում է «Վանաձորի իրավաբանական կլինիկա» ծրագիրը: Ծրագիրն իրականացնում են ՀՔԱ Վանաձորի իրավաբանական կլինիկայի ուսանողներ

Վանաձորի գրասենյակը և «Պոպուլեքս» փաստաբանական գրասենյակը: Ծրագրի նպատակն է երիտասարդ իրավաբանների մոտ զարգացնել գործնական հմտություններ՝ նրանց հնարավորություն տալով գործնականում կիրառել ստացած տեսական գիտելիքները, ինչպես նաև անվճար իրավաբանական օգնություն ցույց տալ անվճարունակ քաղաքացիներին: Ծրագրի ամբողջ ընթացքում ֆինանսավորվել է ռազմավարական նշանակություն ունեցող 12 գործ:

 Ծրագրի առաջին փուլում կլինիկայի հմտավարժ փաստաբանների կողմից ուսանողների համար քրեական դատավարության և մարդու իրավունքների պաշտպանության միջազգային մեխանիզմների վերաբերյալ դասընթացներ են կազմակերպվում: Երկրորդ փուլը գործնական բնույթ է կրում: Այս փուլում փաստաբանների օգնությամբ ուսանողները քաղաքացիներին անվճար իրավաբանական օգնություն են տրամադրում, կազմում են համապատասխան իրավաբանական փաստաթղթեր՝ դիմումներ, բողոքներ, միջնորդություններ:

Վերջին միջոցառումներ

Վերջին եռամսյակի ընթացքում երեք համալսարանների իրավաբանական բաժիններից ընդհանուր թվով 13 ուսանող է մասնակցել «Իրավաբանական կլինիկա» ծրագրին: Վերջին վեց ամիսների ընթացքում բոլոր ուսանողները մասնակցել են մարդու իրավունքների և փաստաբանական հմտությունների վերաբերյալ դասընթացների, որոնք կազմել են 110 ժամ (մոտավորապես 1 ժամ դասընթաց յուրաքանչյուր օրվա համար). Այս եռամսյակի ընթացքում դասընթացները վերաբերել են ՄԻԵԿ-ի 6-րդ հոդվածին, փաստաբան ունենալու իրավունքին, դատաքննությանը պատրաստվելու համար ողջամիտ ժամանակ ունենալու իրավունքին, անմեղության կանխավարկածին, վկաներին խաչաձև հարցաքննության ենթարկելու իրավունքին  (ՄԻԵԿ-ի 6-րդ հոդված, 3-րդ մաս, 4-րդ կետ) և իրավաբանական փաստաթղթեր կազմելուն:    

Այս եռամսյակի ընթացքում կլինիկայի ուսանողները անվճար իրավաբանական խորհրդատվություն են տրամադրել 89 քաղաքացու (այդ թվում՝ 66 կին)՝ իրավաբանական խորհուրդներ տալով այնպիսի հարցերի վերաբերյալ ինչպիսիք են.

  1. Արդյո՞ք ձերբակալվածն իրավունք ունի ձերբակալումից հետո տեղեկացնել իր ընտանիքին իր գտնվելու վայրի մասին (օրինակ՝ ԱՄՆ-ի «մեկ զանգ» կանոնը) -(ՄԻԵԿ-ի 5-րդ հոդված):

2.      Արդյո՞ք ձերբակալվածն ունի իրավական ներկայացուցչության իրավունք և ո՞ր պահից (ՄԻԵԿ-ի 5-րդ հոդված):

3.      Արդյո՞ք ձերբակալվածը մինչդատական փուլի ընթացքում վկայություն տալուց առաջ իր փաստաբանի հետ գաղտնի հանդիպում ունենալու իրավունք ունի (ՄԻԵԿ-ի 5-րդ հոդված):

4.      Արդյո՞ք կալանավորները կալանքի տակ գտնվելու ընթացքում ունեն իրենց հարազատներին տեսնելու իրավունք: 

5.      Ո՞վ ունի քրեական գործերով անվճար իրավաբանական օգնություն ստանալու իրավունք:

6.      Արդյո՞ք տուժողները քրեական գործերով անվճար իրավական ներկայացուցչության իրավունք ունեն: