Տեքստ
Ուրբաթ ակումբ քննարկումներ
| Կայք: | American Bar Association Rule of Law Initiative (ABA ROLI) Armenia Online Learning Platform |
| Դասընթաց: | Պալատի խորհրդի քննարկումները վարքագծի կանոնների խախտումների վերաբերյալ. ք. Արտաշատ, Արարատի մարզ, հունիսի 22, 2015 թ. |
| Book: | Տեքստ |
| Printed by: | Հյուր |
| Date: | Կիրակի, 22 Դեկտեմբերի 2024, 1:03 |
Ուրբաթ ակումբ քննարկումներ
Պալատի խորհրդի քննարկումները վարքագծի կանոնների խախտումների վերաբերյալ. ք. Արտաշատ, Արարատի մարզ, հունիսի 22, 2015 թ
Հաշվի առնելով թեմայի արդիականությունը և դրա նշանակությունը փաստաբանների համար` այս անգամ նույն թեմայով քննարկում կազմակերպվեց Արարատի մարզի փաստաբանների համար: Քննարկման նպատակն էր Արարատի մարզի փաստաբաններին տեղեկացնել Պալատի խորհրդի կողմից ընդունված կարգապահական որոշումների մասին և լսել մասնակիցների տեսակետները:
Խորհրդի անդամ Մելանյա Առուստամյանը ներկայացրեց Պալատի խորհրդի` դատարանի որոշումների հիման վրա հարուցված կարգապահական վարույթներով կայացված որոշումները:
Նշվել է, որ դատարանները հիմնականում երեք դեպքում են դիմում Պալատ:
1. Երբ փաստաբանները լքում են դատական նիստերի դահլիճը:
2. Երբ փաստաբանները չեն ներկայանում դատավարություններին:
3. Երբ փաստաբանները չեն ենթարկվում նախագահող դատավորի կարգադրություններին:
Ինչ վերաբերում է առաջին դեպքին, հաճախ Պալատի խորհուրդը կարճում է կարգապահական վարույթները` գտնելով, որ փաստաբանն այլ տարբերակ չի ունեցել, քան լքել դատական նիստերի դահլիճը, քանի որ արդարադատության շահը լուրջ վտանգի տակ է եղել, և անդառնալի վնաս կարող էր պատճառվել իրենց վստահորդի շահերին, եթե նրանք մնային դատական նիստերի դահլիճում:
Երկրորդ դեպքում Պալատի խորհուրդը հիմնականում փաստաբաններին պատասխանատվության է ենթարկում սույն խախտման համար:
Երրորդ դեպքում Պալատի խորհուրդը փորձում է պարզել՝ արդյոք նախագահող դատավորի կարգադրությունները փաստացի իրավաչափ են եղել: Այսինքն`Պալատի խորհուրդը, մինչև փաստաբանի կողմից էթիկայի կանոնների խախտում արձանագրելը, կարևորում է այն, որ նախագահող դատավորի կարգադրությունները լինեն օրինական:
Արարատում մասնակցող փաստաբանները կարևոր խնդիր առաջ քաշեցին. որոշ փաստաբաններ անհարգալից են այլ փաստաբանների հանդեպ իրենց մասնագիտական պրակտիկայում: Տկն. Առուստամյանը նշեց, որ փաստաբանների վարքագծի կանոնների և <<Փաստաբանության մասին>> ՀՀ օրենքի ակնհայտ խախտում է առկա այն դեպքում, երբ փաստաբանը անհարգալից կերպով է իրեն դրսևորում: Այսպիսով, նա հորդորեց փաստաբաններին զերծ մնալ միմյանց վիրավորելուց:
Ներկայացվել են նաև կարգապահական որոշումներ այնպիսի գործերով, որոնք փաստաբանի դեմ հարուցվել են քաղաքացու բողոքի հիման վրա: Նշվել է, որ բազմաթիվ դեպքերում քաղաքացիները դիմում են Պալատ` փաստաբանին կարգապահական պատասխանատվության ենթարկելու համար, որպեսզի փաստաբանի դեմ Պալատի խորհրդի որոշումը ներկայացնեն որպես նոր երևան եկած հանգամանք և դիմեն` բեկանելու իրենց օգտին չընդունված դատավճիռը: Տկն. Առուստամյանը նշեց, որ այս երևույթից խուսափելու համար հարկավոր է, որպեսզի փաստաբանն իր վստահորդի հետ հնարավորինս հստակեցնի պայմանագրում առկա բոլոր կետերը: Ներկայացվել են նաև պայմանագրերի առանձնահատկությունները, ինչը կարող է օգնել փաստաբաններին զերծ մնալ կարգապահական պատասխանատվության ենթարկվելու վտանգից:
Քննարկում է ծավալվել նաև շահերի բախման թեմայով, ինչպես նաև ներկայացվել են Պալատի խորհրդի ընդունած որոշումները: